აჭარაში ორი დღის განმავლობაში ჩინეთის სახალხო რესპუბლიკის დელეგაცია იმყოფებოდა. სამუშაო ვიზიტის ფარგლებში დელეგაციის წევრები აჭარის ავტონომიური რესპუბლიკის მთავრობის თავმჯდომარეს არჩილ ხაბაძეს, რეგიონის ფინანსთა და ეკონომიკის მინისტრს დავით ბალაძესა და სოფლის მეურნეობის მინისტრს ზაურ ფუტკარაძეს შეხვდნენ.
სტუმრებს აეროპორტში აჭარის მთავრობის თავმჯდომარე არჩილ ხაბაძე დახვდა.
დელეგაციის შემადგენლობაში შედიოდნენ: ბინ იუე - ჩინეთის სახალხო რესპუბლიკის საგანგებო და სრულუფლებიანი ელჩი საქართველოში,
ჭივეი ვანგი - პროვინცია ძილინის ხელისუფლების საგარეო საქმეთა ბიუროს თავმჯდომარე, ხუეიხუა ჟაო - ჩინეთის კომუნისტური პარტიის ცენტრალური კომიტეტის 1-ლი საერთაშორისო დეპარტამენტის გენერალური დირექტორის მოადგილე, ხუაძუნ ინგ - პროვინცია ძილინის კომუნისტური პარტიის სათაო ოფისის განყოფილების უფროსი, ცინსიენ სუ - ჩინეთის კომუნისტური პარტიის ცენტრალური კომიტეტის მე-6 საერთაშორისო დეპარტამენტის მესამე მდივანი და ბაიენქოლუ - ჩინეთის კომუნისტური პარტიის მე-18 ცენტრალური კომიტეტის წევრი, პროვინცია ძილინის კომუნისტური პარტიის მდივანი და ლან იაო - ჩინეთის კომუნისტური პარტიის ცენტრალური კომიტეტის მე-6 საერთაშორისო დეპარტამენტის მესამე მდივანი.
საუბარი შეეხო ასევე საინვესტიციო გარემოსაც.ჩინურმა მხარემ აჭარის ფინანსთა და ეკონომიკის სამინისტროსთან თანამშრომლობის მიმართულებები განიხილა
სამუშაო შეხვედრაზე საუბარი სხვადასხვა სფეროს შეეხო. სტუმრებმა აჭარის რეგიონის მიმართ დიდი ინტერესი გამოთქვეს. განსაკუთრებით კი ტურიზმისა და სოფლის მეურნეობის კუთხით.
დელეგაციის წევრები ასევე დაინტერესდნენ აჭარასა და ძილინის 26 მილიონიანი პროვინციის მომავალი ურთიერთობების გაღრმავებით. უახლოეს პერიოდში გადაწყდება ამ ორი რეგიონის დამეგობრების საკითხი. .
დავით საგანელიძის განცხადებით საუბარი შეეხო სარკინიგზო ინფრასტრუქტურასა და ბათუის საზღვაო აკადემიასთან დაკავშირებულ საკითხებს.
მალე გამოცდილების გაზიარებისა და მომავალი თანამშრომლობის გაღრმავების მიზნით ჩინეთში აჭარის სოფლის მეურნეობის სამინისტროს წარმომადგენლები გაემგზავრებიან.აჭარის ავტონომიური რესპუბლიკის წარმომადგენლები ტურიზმისა და ეკონომიკის მიმართულებით ჩინეთში გამართულ სხვადასხვა საერთაშორისო გამოფენაში მიიღებენ მონაწილეობას.