ვითიბი ბანკის ახალი შემნახველი ბარათი არის თანხის მარტივად დაგროვებისა და დანაზოგის თავისუფლად განკარგვის საუკეთესო საშუალება. შემნახველ ბარათს აქვს ორი ძირითადი თვისება, ერთის მხრივ, ეს არის ანაბარი, რომელზე განთავსებულ თანხასაც ერიცხება მაღალი საპროცენტო სარგებელი და მეორეს მხრივ – ბარათი, რომელიც იძლევა დაგროვილი თანხის განკარგვის საშუალებას. შემნახველ ბარათზე თანხა შეიძლება ერთდროულად განთავსდეს ლარში, აშშ დოლარსა და ევროში. დანაზოგის განაღდება შესაძლებელია მსოფლიოს ნებისმიერი ბანკის ბანკომატსა და ფილიალში. განაღდებით გამოწვეული თანხის შემცირების მიუხედავად, დასარიცხი სარგებლის საპროცენტო განაკვეთი არ იცვლება. შემნახველ ბარათზე თანხის პირველი მინიმალური შენატანი შეადგენს 100 ერთეულს ნებისმიერ ვალუტაში. დამატებითი შენატანების განხორციელება დაშვებულია ნებისმიერ დროს და ნებისმიერი მოცულობით. სარგებლის დარიცხვა ხდება თვეში ერთხელ, ყოველი დღის ბოლოს არსებული ნაშთის მიხედვით. წლიური საპროცენტო განაკვეთი შეადგენს ლარში 5%, დოლარში - 3%, ხოლო ევროში 2%-ს. შემნახველი ბარათის აღება შესაძლებელია ვითიბი ბანკის ნებისმიერ ფილიალში.