აჭარის 2016-2020 წლების განვითარების სტრატეგიაზე მუშაობა დაწყებულია. აჭარის აფინანსთა და ეკონომიკის სამინისტროშო აჭარის რეგიონული განვითარების სტრატეგიაზე მუშაობის ფარგლებში პირველი სამუშაო შეხვედრა ჩატარდა.
80 000 ევროს ღირებულების ახალი 5 წლიანი სტრატეგია 2016-2020 წლებზე იქნება გათვლილი. რეგიონული განვითარების სტრატეგიის დოკუმენტზე აჭარის ფინანსთა და ეკონომიკის სამინისტროს სპეციალისტები დონორი ორგანიზაცია GIZ-ს ფინანსური მხარდაჭერით იმუშავებენ, დახმარებას კი მათ საკონსულტაციო კომპანია PMCG გაუწევს.
სტრატეგიაზე მუშაობის პირველი ეტაპი (სიტუაციის ანალიზი) ოქტომბერში დასრულდება.სტრატეგიის დოკუმენტი ხელს შეუწყობს რეგიონის განვითარების პრიორიტეტული მიმართულებების სწორად განსაზღვრას. საბოლოო დოკუმენტი 2016 წლის თბერვალში მომზადდება. დღემდე არსებული სტრატეგია 2009-2014 წლებს მოიცავს.
პრეზენტაცია დონორმა ორგანიზაცია GIZ-მა და საკონსულტაციო კომპანია PMCG გამართეს. შეხვედრას აჭარის ფინანსთა და ეკონომიკის მინისტრი დავით ბალაძე, აჭარის ჯანმრთელობისა და სოციალური დაცვის მინისტრი ნუგზარ სურმანიძე და აჭარის განათლების, კულტურისა და სპორტის მინისტრი გიორგი თავამაიშვილი დაესწრნენ.