აჭარაში, რძისა და რძის პროდუქტების გადამამუშავებელი აპარატების გაცემა დაიწყო. რძის გადამამუშავებელი აპარატები ფერმერებს და აგრომეწარმეებს აჭარის სოფლის მეურნეობის სამინისტროს მეცხოველეობის დარგის განვითარების ხელშეწყობის პროგრამის ფარგლებში, თანადაფინანსების პრინციპით გადაეცათ.
ქვეპროგრამის ფარგლებში რეგიონის ფერმერებზე და აგრომეწარმეებზე მიწოდებული იქნა 500 ცალი რძის მექანიკური სეპარატორი ერთეულის ღირებულება 213 ლარია, თანხის 70% სახელმწიფო ფარავს. თანაგადახდის პრინციპით კი ფერმერი მხოლოდ 63.9 ლარს გადაიხდის. ასევე ქვეპროგრამის ფარგლებში ფერმერებზე და აგრომეწარმეებზე მიწოდებული იქნა 50 ცალი კარაქის დამამზადებელი აპარატი ერთეულის ღირებულება 268 ლარია ხოლო ფერმერის გადასეხდელი თანხა შეადგენს 80.4 ლარს.
ფერმერებისათვის რძისა და რძის პროდუქტების გადამამუშავებელი აპარატებით გაცემის პროცესს დღეს აჭარის სოფლის მეურნეობის მინისტრი ზაურ ფუტკარაძე დაესწრო.
