თავდაცვის მინისტრი, თინა ხიდაშელი დავით კეზერაშვილის მიმართ ახალი ბრალის წარდგენაზე კომენტარს არ აკეთებს და ამბობს, რომ პროკურატურის გადაწყვეტილებას ვერ შეაფასებს.
ამის შესახებ ხიდაშელმა ჟურნალისტებთან საუბრისას განაცხადა.
„როგორც არ უნდა წარმოვადგინოთ რომელიმე კონკრეტული ეპიზოდი, ფაქტია, რომ არაფრის მქონე 27 წლის ბიჭი ხელისუფლებაში მოვიდა და ხელისუფლებიდან 7-8 წლის შემდეგ მილიარდერი წავიდა. ამით ყველა კითხვაზე პასუხი გაცემულია. 27 წლის დროშების მქნეველი, არაფრის მქონე ბიჭი, ფინანსური პოლიციის უფროსი, შემდეგ კი თავდაცვის მინისტრი გახდა და ხელისუფლებიდან მილიარდერი წავიდა“, – განაცხადა თინათინ ხიდაშელმა.