ქართველებისათვის ბაყაყის ხორცი მიმზიდველი დელიკატესი ხდება? სტატისტიკური ინფორმაციით, 2014 წელს წინა წელთან შედარებით საქართველოში ბაყაყის თათების იმპორტი გასამმაგდა.
საქართველოდან ბაყაყის თათების ექსპორტი რამდენიმე წელია შეწყვეტილია, ხოლო იმპორტის დინამიკა მეტნაკლებად მზარდი.
”საქსტატის” ინფორმაციით, ბოლო პერიოდში საქართველოდან ბაყაყის თათების ექსპორტი არ განხორციელებულა, ხოლო 2014 წელს კი საქართველოში 0,3 ტონა ბაყაყის თათების იმპორტი დაფიქსირდა, ეს იმ ფონზე როდესაც 2013 წელს საქართველოში 0,1 ტონა ბაყაყის თათები შემოვიდა. ანალოგიური მაჩვენებელი დაფიქსირდა 2012 წელსაც.
სტატისტიკური ინფორმაციის მიხედვით ირკვევა, რომ 2014 წელს იმპორტირებული ბაყაყის თათების ფასი 2013 წელთან შედარებით კილოზე უკვე 2,3 დოლარითაა გაძვირებული.
2014 წელს იმპორტირებულია 0,3 ტონა ბაყაყის თათების ფასი 3,7 ათასი დოლარი იყო, შესაბამისად 1 კილო ბაყაყის თათების ღირებულება - 12,3 დოლარი. 2013 წელს კი იმპორტირებულია 0,1 ტონა ბაყაყის თათები, რომლის საერთო ფასიც 1000 დოლარია, ანუ 1 კგ-ს ფასი 10 დოლარი.
ბოლო ორი წლის სტატისტიკით, საქართველოსთვის ბაყაყის თათების მთავარი და ერთადერთი იმპორტიორი ქვეყანა - დანიაა.
აღსანიშნავია, რომ ბაყაყის თათების ექსპორტი ბოლოს 2010 წელს დაფიქსირდა და მაშინ ქვეყნიდან ცოცხალი ბაყაყების ნაცვლად უკვე ბაყაყის თათების გატანა მოხდა. აღსანიშნავია, რომ 2010 წელს საფრანგეთში 1100 კგ. ბაყაყის თათების ექსპორტი განხორციელდა, მაშინ როდესაც 2009 ქვეყნიდან საფრანგეთში მხოლოდ 4 175 კგ ცოცხალი ბაყაყი გაიყვანეს. როგორც იმ დროს სოფლის მეურნეობის სამინისტროში აცხადებდნენ, ბაყაყის ექსპორტი უფრო დაიხვეწა, რადგანაც საკვებად მხოლოდ თათებია გამოსაყენებელი და ცოცხალი ბაყაყების გაყვანა ქვეყნიდან ექსპორტიორს დიდ მოგებას არ უტოვებდა. სტატისტიკური ინფორმაციის თანახმად, 2009 წელს საქართველოდან 14 ათას 612 დოლარის ღირებულების, 250 ათას 500 ცალი ბაყაყი გაიყვანეს, ანუ ერთი ცოცხალი ბაყაყი 0.05 დოლარად.
უნდა აღინიშნოს, რომ ბოლო პერიოდში ევროპაში ბაყაყზე მოთხოვნა საგრძნობლად გაიზარდა. მას თეთრი ხორცი აქვს და გემოთი ქათმის ხორცს ჰგავს. ზოგიერთები მის გემოს შემწვარ თევზს ადარებენ. ბაყაყის ხორცს შებოლოლი სახითაც ინახავენ და განსაკუთრებული პოპულარობით სარგებლობს ტურისტებსა და ალპინისტებში.
ყოფილი საბჭოთა კავშირის ქვეყნებიდან ბაყაყების ექსპორტი 1960-1980 წლებში დაიწყო და, ყოველწლიურად, ცოცხალი და სპეციალიზირებული სახით საფრანგეთსა და იტალიაში 80 ტონა ბაყაყი გაქონდათ. ამჟამად საერთაშორისო ბაზარზე 1 კგ ბაყაყის ფასი 4-დან 6 დოლარამდეა.
ბაყაყისებრთა ოჯახი 200-ზე მეტ სახეობას აერთიანებს. ამ გვარშია გაერთიანებული ყველაზე პატარა (30 მმ-მდე) და ყველაზე დიდი უკუდო ამფიბია (ბაყაყი-გოლიათი 325 მმ სიგრძისაა). საქართველოში გვხვდება ტბის ბაყაყი, რომელიც ზომით ყველაზე დიდია ჩვენი ფაუნის ამფიბიებს შორის. სხეული ზემოდან მუქი მწვანე აქვს და მუქი ხალები აყრია. ზურგის გასწვრივ ხშირად გასდევს ნათელი ზოლი. ბინადრობს ნაირგვარ წყალსატევში. მთაში გვხვდება ზღვის დონიდან 2500 მ-მდე. მთელ ცხოვრებას ატარებს წყალში ან წყლის მახლობლად ბაყაყი დებს 9000-მდე ქვირითს. ტბის ბაყაყის თავკომბალების გროვები არსებით როლს თამაშობს ნივთიერებათა წრებრუნვაში;