27 მაისს, საგარეო საქმეთა მინისტრის მოადგილემ გიგი გიგიაძემ შეხვედრა გამართა უფსალას საგრაფოს (შვედეთის სამეფო) გუბერნატორთან, პეტერ ეგარდთან. შეხვედრას ასევე ესწრებოდნენ საქართველოში შვედეთის ელჩის მოადგილე გუსტავ ვინსტრანდი, უფსალას მერიის პროტოკოლისა და საერთაშორისო სამსახურის უფროსი მარტინ ბროზეკი და თბილისის მერიის საერთაშორისო ურთიერთობების სამსახურის წარმომადგენელი ნინო ბეგლარიშვილი.
შევხედრაზე განხილულ იქნა შვედეთსა და საქართველოს შორის ვაჭრობის, ინვესტიციების, ენერგეტიკის, განათლების სფეროებში თანამშრომლობის გაღრმავების შესაძლებლობა. ასევე, საუბარი შეეხო საქართველოს ევროკავშირში გაწევრიანების პერსპექტივას, რიგის სამიტსა და ვიზალიბერალიზაციის საკითხებს.
საქართველოში ვიზიტის ფარგლებში, უფსალას გუბერნატორი ასევე შეხვდა თბილისის მერს დავით ნარმანიას, ილიას უნივერსიტეტის რექტორს გიგა ზედანიას და დაესწრო საქართველოს დამოუკიდებლობის დღის აღსანიშნავ ღონისძიებებს.
