„ნაციონალური მოძრაობა შეიძლება დაიშალოს“-ეს განცხადება რესპუბლიკური პარტიის წევრმა ლევან ბერძენიშვილმა ზურაბ ჯაფარიძისა და მისი 3 კოლეგის გადაწყვეტილების შეფასების დროს გააკეთა.
მან აღნიშნა, რომ პატივს სცემს დეპუტატების გადაწყვეტილებას და განმარტა, რომ პირველად ხდება, როდესაც დეპუტატები ნაციონალურ მოძრაობას ტოვებენ, თუმცა ოპოზიციაში მაინც რჩებიან.
„შეიძლება ყველაფერი მოხდეს, ნაციონალური მოძრაობა დაიშალოს. არ იყო ზვიადი არ იყო მისი პარტია, არ იყო ასლანი არ იყო მისი პარტია, არ იყო შევარდნაძე არ იყო მისი პარტია, არ არის მიშა ცოტა ხანი არის მისი პარტია, მაგრამ აქვს ნიშნები ისეთივე როგორც სხვებს,“-აღნიშნა ლევან ბერძენიშვილმა.