კონსტიტუციური სამართლის სპეციალისტი ვახუშტი მენამდე ,,ჯი-ეიჩ-ენთან”' საუბარში აცხადებს, რომ კონსტიტუციის მიხედვით განსაზღვრულია მხოლოდ პარლამენტის ადგილსამყოფელი და პრეზიდენტი თავად წვეტს თუ სად განთავსდება მისი რეზიდენცია.
მისივე განმარტებით, პრეზიდენტის უფლებამოსილება არა უკავშირდება პრეზიდენტსა და მის დაქვემდებარებაში მყოფ უწყებებს სამუშაოდ რამდენი კვადრატული მეტრის ფართი გამოეყოფათ.
,, კონსტიტუციის თანახმად მხოლოდ და მხოლოდ განსაზღვრულია პარლამენტის და არა პრეზიდენტის ადგილსამყოფელი. შესაბამისად პრეზიდენტის გადასაწყვეტია სად განთავსდება მისი რეზიდენცია. ამასთან კონსტიტუციის ფუნქციიდან გამომდინარე პრეზიდენტის ადგილსამყოფელი, მის უფლებამოსილებას რომ შევადაროთ არასერიოზულია, არასად კვადრატული მეტრობით არ იზომება უფლებამოსილება. ამიტომ ამ მიმართულებით საუბარი არალოგიკურია”, _აცხადებს ,,ჯი-ეიჩ-ენთან” საუბარში მენაბდე.
მენამდე მიიჩნევს, რომ იმ შემთხვევაში თუ მთავრობა იძულების წესით გამოასახლებს პრეზიდენტს ,,ეს ძალიან უცნაური გადაწყვეტილება იქნება”.
,,თუ მთავრობამ ასეთი გადაწყვეტილება მიიღო, ეს ძალიან უცნაური იქნება. ჩემთვის როგორც მოქალაქისთვის მნიშვნელოვანია ამთავრობისა და პრეზიდენტის დავა არა იმაზე თუ სად განთავსდება პრეზიდენტი, ან ვინ მოაწერს დოკუმენტზე ხელს, არამედ მნიშვნელოვანია მთავრობის და პრეზიდენტის ხედვა ისეთ მნიშვნელოვან საკითხებზე როგორიცაა საშინაო და საგარეო პოლიტიკის ძირითადი მიმართულებები, სოციალური, ეკონომიკური საკითები, თემები რომელიც პირდაპირ ეხება თითოეულ მოქალაქეს. ამიტომ უმჯობესი იქნება სახელმიწოფო ინსტიტუტებმა და უმაღლესი თანამდებობის პირებმა საკუთარი ძალისხმევა და ენერგია ამ მიმართულებით დახარჯონ”, _აცხადებს ,,ჯი-ეიჩ-ენთან” საუბარში მენამდე.
კითხვაზე ათონელის რეზიდენციის თემის გააქტიურებით ხდება თუ არა პრეზიდენტის ინსტიტუცის დისკრედიტაცია მენაბდე აცხადებს:
,, ვფიქრობ ეს არის მთავრობის მხრიდან პრეზიდენტის ინსტიტუტის მიმართ იმ დამოკიდებულების გაგრძელება რომელიც ბოლო პერიოდის განმავლობაში ვხედავთ. ეს კონსტიტუციურ სისტემაში საკუთარი ადგილის მონიშვნას უკავშირდება ”, _აცხადებს მენამდე.
