უკრაინული ღორის ხორცის პრიორიტეტულ ბაზრებს შორის საქართველოცაა. გამოცემა ubr.ua, სტატისტიკურ ინფორმაციაზე დაყრდნობით წერს, რომ იანვარ-მარტში უკრაინამ სხვადასხვა ბაზრებზე 779 ტონა ღორის ხორცი გადაზიდა.
უკრაინის მეღორეობის ასოციაციის პრეზიდენტის არტურ ლოზას განმარტებით, დევალვაციის ფონზე ხორცის ფასი დაეცა. ირკვევა, რომ დღეისათვის უკრაინული ღორის ხორცის ფასი უცხოურ ვალუტაში 1,2 დოლარი ღირს, ეს იმ ფონზე, როდესაც ადრე მისი ღირებულება უცხოურ ვალუტაში 2,3 დოლარს შეადგენდა. როგორც ექსპერტი განმარტავს, გრივნას დევალვაციის ფონზე, უკრაინული ღორის ხორცი უცხოურ ბაზარზე უფრო კონკურენტუნარიანი ხდება.
ამ დროისათვის უკრაინული ღორის ხორცისთვის პრიორირტეტული აზიის ქვეყნებია, განსაკუთრებით ჩინეთი და სამხრეთ კორეა და ასევე მოლდოვა, ყაზახეთი და საქართველო.