წელს აჭარაში ტურისტების რაოდენობა 3,22%-ითაა გაზრდილი. აჭარის ტურიზმის დეპარტამენტის სტატისტიკური ინფორმაციის მიხედვით, 2015 წლის მარტში, 2014 წლის მარტთან შედარებით, რეგიონში ვიზიტორების რაოდენობა 4,64%-ით გაიზარდა, ხოლო რაც შეეხება განთავსების ობიექტთა დატვირთულობის კოეფიციენტს, ის მარტში 5,64%-ითაა გაზრდილი.
აჭარის ტურიზმის დეპარტამენტის ინფორმაციით, მარტში აჭარას სულ 13 ათას 885 ვიზიტორი სტუმრობდა.
რაც შეეხება მიმდინარე წლის სამი თვის მონაცემებს, 2015 წლის იანვარ-მარტში აჭარაში სულ 38 ათას 546 ვიზიტორი იმყოფებოდა, 2014 წლის ანალოგიურ პერიოდში კი 37 ათას 345 ვიზიტორი. შესაბამისად ზრდამ 3,22%-ი შეადგინა. რაც შეეხება დატვირთულობის კოეფიციენტს, აღნიშნული მაჩვენებელი იანვარ-მარტის მდგომარეობით 2,51%-თაა გაზრდილი.