PMCG-ის გენერალური დირექტორი, ლექსო ალექსიშვილი, საერთაშორისო სავალუტო ფონდის (IMF) კავკასიის და ცენტრალური აზიის მრჩეველთა საბჭოს წევრი გახდა.
საბჭო რეგიონში შემავალი ქვეყნების ეკონომიკურ, პოლიტიკურ-ეკონომიკურ, გეოპოლიტიკურ და პოლიტიკურ საკითხების გაუმჯობესებაში მნიშვნელოვან როლს თამაშობს. რეგულარული შეხვედრებისას, საბჭოს წევრები მუშაობენ რეგიონში მიმდინარე გამოწვევების, ტენდენციების, მაკროეკონომიკური და ფინანსური სექტორის განვითარების საკითხებზე.
ალექსიშვილთან ერთად, ბორდი დაკომპლექტებულია ეკონომიკაში მნიშვნელოვანი გამოცდილების მქონე რვა პროფესიონალით ყაზახეთიდან, საფრანგეთიდან, შვეიცარიიდან, ამერიკიდან, ტაჯიკეთიდან, სომხეთიდან და ყირგიზეთიდან.
„ჩემთვის დიდი პატივია ვიყო საერთაშორისო სავალუტო ფონდის რეგიონული საბჭოს წევრი, რითიც შესაძლებლობა მექნება გავაზიარო წარმატებული რეფორმების უნიკალური ქართული გამოცდილება. ასევე, უფრო ახლო შეხება მქონდეს რეგიონში მიმდინარე ეკონომიკურ პროცესებთან“, განაცხადა ალექსიშვილმა.
