საქართველოს პრემიერ-მინისტრმა ირაკლი ღარიბაშვილმა რეგიონული განვითარებისა და ინფრასტრუქტურის მინისტრი დავით შავლიაშვილი ეფექტიანი მუშაობისთვის შეაქო. როგორც პრემიერმა დღევანდელი მთავრობის სხდომაზე განაცხადა, რეგიონული განვითარებისა და ინფრასტრუქტურის სამინისტროს მიმდინარე წლის პირველ კვარტალში ბიუჯეტის ათვისების რეკორდული მაჩვენებელი აქვს.
„მინდა, განსაკუთრებით აღვნიშნო შავლიაშვილის სამინისტროს მუშაობა, მისი ეფექტიანობა. თქვენი სამინისტროს ათვისება შეადგენს 107%-ს, ეს არის რეკორდული მაჩვენებელი. მსგავსი შესრულება თქვენს სამინისტროს გასულ წლებში არ ჰქონია. წინა წელს იყო 94%, 89 % იყო წინა მთავრობის დროს, 84 %, 89 % იყო „ნაციონალური მოძრაობის“ დროს. ასე რომ, გილოცავთ“, - მიმართა პრემიერმა ინფრასტრუქტურის მინისტრს.