საერთაშორისო რესპუბლიკური ინსტიტუტი (IRI) სოციალური გამოკითხვის შედეგებს ასაჯაროვებს. როგორც ,,ჯი-ეიჩ-ენს” ორგანიზაციიდან აცნობეს საქართველოს მოსახლეობა წუხილს გამოთქვამს ეკონომიკური მდგომარეობის გამო და ნაკლები ოპტიმიზმით უყურებს მომავალს.
IRI-ის ინფორმაციით, კვლევის შედეგად გამოიკვეთა, რომ უმუშევრობა და ეკონომიკური განვითარების ნაკლებობა არის ორი ყველაზე მნიშვნელოვანი პრობლემა, რომელიც ქვეყნის წინაშე დგას. ეს აჩვენებს ხალხის წუხილს ეკონომიკის მდგომარეობაზე.
სოციოლოგიური კვლევა ჩატარებულია საქართველოს მთელ ტერიტორიაზე 2015 წლის 3-28 თებერვალს.
შემთხვევითი შერჩევის პრინციპით გამოიკითხა არჩევნებში მონაწილეობის უფლების მქონე საქართველოს 1500 მოქალაქე (18 წლის და ზემოთ).
კვლევის ცდომილება არ აღემატება 2.5 პროცენტს; პასუხის გაცემის კოეფიციენტი იყო 70 პროცენტი.
სოციოლოგიური კვლევა ჩატარებულია Baltic Surveys/The Gallup Organization -ის მიერ; საველე სამუშაოები აწარმოა Institute of Polling and Marketing -მა; კვლევა დააფინანსა U.S. Agency for International Development -მა.