Apple-ი ყველაფერს აკეთებს იმისათვის, რომ მისი პროდუქციის მოპარვამ აზრი დაკარგოს და ის სხვისთვის გამოუყენებელი იყოს. ფუნქცია Find My iPhone-მ და Activation Lock-მა „ჩაკბეჩილი ვაშლის“ მოწყობილობების მოპარვა გადააფიქრებინა, თუმცა კომპანია გაჩერებას არ აპირებს და ამ მიმართულებით სიახლის შექმნას აპირებს. კომპანია მუშაობს ტექნოლოგიაზე, რომლის მიხედვით iPhone არ გამოირთვება მანამ, ვიდრე მისი მფლობელი მის ძებნას არ დაიწყებს. ხოლო ძებნა კი Find My iPhone-ს მეშვეობით მოხდება. ტელეფონი სრულად არ გაითიშება მანამ, ვიდრე მასში სპეციალური პინ კოდის შეყვანა არ მოხდება და შესაბამისად ნახევრად გათიშული ტელეფონის პოვნა და მისი ლოკაციის დადგენა იოლი საქმე იქნება.
ვარაუდობენ, რომ ახალი ფუნქცია უკვე iOS 9-ის გამოსვლის შემდეგ იქნება ხელმისაწვდომი.