საქართველოს პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ პრაღაში გამართული შეხვედრის შემდეგ განაცხადა, რომ აფხაზეთის რკინიგზის თემაზე რუსეთის საგარეო უწყების მოადგილე გრიგორი კარასინთან ახალი არაფერი არ განხილულა.
” აფხაზეთის რკინიგზაზე შეხვედრაზე არაფერი ახალი არ ყოფილა. ადრეც გვსმენია მათი აზრი. თუ საქართველოს მხარე დაინტერსებულია რკინიგზის ამ მონაკვეთის მოქმედებით, ჩვენ უნდა მივმართოთ აფხაზებს და მათთან მოვილაპარაკოთ. ჩვენი პასუხი ადრეც იყო და ახლაც არის ის, რომ ეს არის საქართველო-რუსეთის დამაკავშირებელი რკინიგზა და ჩვენ ამ საკითხზე საუბარს აფხაზებთან არ ვაპირებთ,” - აღნიშნა ზურაბ აბაშიძემ.
შეგახსენებთ, რომ შეხვედრის დაწყებამდე რუსეთის საგარეო უწყების ხელმძღვანელი გრიგორი კარასინი საქართველოს პრემიერ-მინისტრის სპეცილურ წარმომადგენელთან რუსეთთან ურთიერთობის საკითხებში ზურაბ აბაშიძესთან შეხვედრისას რუსეთ- საქართველოს დამაკავშირებელი რკინიგზის საკითხს განიხილავს გეგმავდა. ამის შესახებ, განცხადებას რუსეთის საგარეო საქმეთა მინისტრის მოადგილემ "რადიო თავისუფლებასთან" საუბარში გააკეთა.
,,ჩვენ შეხვედრაზე ვსაუბრობდით სარკინიგზო მიმოსვლაზე, ამ საკითხებსაც განვიხილავთ, მაგრამ პოლიტიკური დელიკატურობიდან გამომდინარე სხვების ნაცვლად არაფერს ვწყვეტთ. ვნახოთ როგორ შეიძლება გავაგრძელოთ წინსვლ', -აცხადებს კარასინი.
