8 აპრილს, ყაზახეთის დედაქალაქ ასტანაში საქართველოს ეროვნულ ბანკსა და ყაზახეთის რესპუბლიკის ფინანსური ბაზრისა და ფინანსური ორგანიზაციების რეგულირებისა და ზედამხედველობის სააგენტოს შორის ხელი მოეწერება ურთიერთგაგების მემორანდუმს.
მემორანდუმს ხელს მოაწერენ საქართველოს მხრიდან ეროვნული ბანკის პრეზიდენტი გიორგი ქადაგიძე და ყაზახეთის მხრიდან ზედამხედველობის სააგენტოს თავმჯდომარე ელენა ბახმუტოვა.
ურთიერთგაგების მემორანდუმი უზრუნველყოფს საქართველოს და ყაზახეთის
ტერიტორიებზე ბანკებისა და არასაბანკო სადეპოზიტო დაწესებულებების საიმედოობასა და სტაბილურ ფუნქციონირებას. მემორანდუმი მიზნად ისახავს შეთანხმების მიღწევას ინფორმაციის გაცვლის საჭიროებისა და საბანკო ზედამხედველობის სხვა სფეროებში ურთიერთთანამშრომლობის შესახებ.
მემორანუმის მიხედვით მხარეთა ურთიერთთანამშრომლობა ითვალისწინებს საბანკო
ზედამხედველობის შესახებ ბაზელის კომიტეტის რეკომენდაციებს საზედამხედველო
ორგანოების მიერ კონსოლიდირებული და ყოველმხრივი ზედამხედველობის
განხორციელებაზე.
დღეს საქართველოს საბანკო ბაზრზე ორი ყაზახური ბანკი ოპერირებს სს „ხალიკბანკი საქართველო" და სს „ბითიეი ბანკი".